Artists: Rev. Hrangena.
Language: Mizo
Source: Mizo HlaBu Pui
Themes: Hope & Faith, Holy Spirit, Grace & Mercy
Occasions: Prayer Meeting
Lyrics Preview
Boralte zawng turin Krista a lo kal, Nangni, amaha piang nun thar neite u, In pian chhan ber chhandamna thu nung hrilin, Kal chhuak thuai r'u, boralte chhandam turin. Ram tinah kal ula, Chanchin Tha hril rawh u, Ram tinah kal ula, Chanchin Tha hril rawh u; Lal leh chhandamtua amah pawmtute u, A...
Download the app for full lyrics and more...
Boralte zawng turin Krista a lo kal, Nangni, amaha piang nun thar neite u, In pian chhan ber chhandamna thu nung hrilin, Kal chhuak thuai r'u, boralte chhandam turin. Ram tinah kal ula, Chanchin Tha hril rawh u, Ram tinah kal ula, Chanchin Tha hril rawh u; Lal leh chhandamtua amah pawmtute u, A thupek in zawm dawn lo'm ni le? Ngai rawh, hremhmun au aw a thangkhawk vel e, Tholeh Lazara khan va hrilh se, tiin; Nang pawh mithi tholeh I ni ve lo'm ni? Kalin va hrilh rawh an boral zawh hma hian. Ram tinah kal ula, Chanchin Tha hril rawh u, Ram tinah kal ula, Chanchin Tha hril rawh u; Lal leh chhandamtua amah pawmtute u, A thupek in zawm dawn lo'm ni le? I thawh loh vangin maw tam tak an boral, An thisem mawh nang lo tu nge phur tur chu? Van lalthutthleng var ropui I belh hunin, Kut ruak maiin maw I Lal I tawh dawn le? Ram tinah kal ula, Chanchin Tha hril rawh u, Ram tinah kal ula, Chanchin Tha hril rawh u; Lal leh chhandamtua amah pawmtute u, A thupek in zawm dawn lo'm ni le? Aw, Kalvari thing anchhe dawng nunna thing, I zar pengten khawvel ram tin hawl chhuak se; I par rimtui pawh hmun tinah leng velin, Mi tinreng tan damna lo ni zel rawh se. Ram tinah kal ula, Chanchin Tha hril rawh u, Ram tinah kal ula, Chanchin Tha hril rawh u; Lal leh chhandamtua amah pawmtute u, A thupek in zawm dawn lo'm ni le?
