139. DOTUA OH SEINAW CCIAKHAEPAW

Dotua oh seinaw oun cciakhaepahpaw, Chinaw Kalvari mua vawlan; Vaelantung thing vawlan khe a taw hae, Kae ka elang a chii alua vae. Oun Khumpaw Bawi a naw kyate, Chii te tui kha oun toikuh vae; Ka lungkhu khe tyty um sah, Ccungccaw sei thyaanaw tui. A thawccinaw tui thyaa kha alua vae, Oun Khum- paw Bawi chinaw kyate; Azungzaete khuin khe la singkuh oh, Ka muisaw yn khumpaw kalan khe Oun Khumpaw Bawi a naw kyate, Chii te tui kha oun toikuh vae; Ka lungkhu khe tyty um sah, Ccungccaw sei thyaanaw tui. A chii luanaw kya a singkuhpaw b’lyn, Mih seinaw tuitin hawt’ thyaa cih; Na seinaw balyn kha pong cciakhae tua, Rang kangmaw ae Khum Bawi nynh ae ci. Oun Khumpaw Bawi a naw kyate, Chii te tui kha oun toikuh vae; Ka lungkhu khe tyty um sah, Ccungccaw sei thyaanaw tui. Ka zo vae lan khyh seinaw lungkhu lang, Oun Khumpaw ka Bawi Jesu nynh; Athyaa huapaw Muisaw te yn cciakhae, Na lungpawnaw hmin kha yn muihsah. Oun Khumpaw Bawi a naw kyate, Chii te tui kha oun toikuh vae; Ka lungkhu khe tyty um sah, Ccungccaw sei thyaanaw tui.