138. VAELANTAHNAW KHAWLYA E

A sawnaw mua vawlan vaelantahnaw a um, Maethya vawsaw riathae ingnaw; Misei khum khylan chinaw a ingnaw tung kha, Kae nynh ka zyn saw kou ka tua. Vaelantahnaw saw kha kou ka tua, Ka hiinnaw kha athang mawlaezung; Vaelantahnaw kha ka kyng cih zah, Asunghua sui lukhung ka mue cih. Ccungccaw balyn nynh nyaasah hae paw vaelantung, Kae nynh koumawte ka peki; Vaawlang hoynaw te lesaenaw kha cciatawte, Vaelan kya chinaw kha a ing. Vaelantahnaw saw kha kou ka tua, Ka hiinnaw kha athang mawlaezung; Vaelantahnaw kha ka kyng cih zah, Asunghua sui lukhung ka mue cih. A chiithyaa te phe beihpaw vaelantahnaw tuh, Ngaeang lan um vaelantahnaw; Kae kha sei thyaapaw te alawpaw lang tang lan, Jesu vaelantung kya a chih. Vaelantahnaw saw kha kou ka tua, Ka hiinnaw kha athang mawlaezung; Vaelantahnaw kha ka kyng cih zah, Asunghua sui lukhung ka mue cih. Vaelantung kha kae nynh lawnaw te ka zui cih, Ngaethya vawsaw ka ing zemah; Vaawlang khua thua khylan Bawipaw nynh yn ko zah, Bawipaw ry zungzae kae um cih. Vaelantahnaw saw kha kou ka tua, Ka hiinnaw kha athang mawlaezung; Vaelantahnaw kha ka kyng cih zah, Asunghua sui lukhung ka mue cih.