127. TUUTAW CHII

Lae vawlan seinaw balyn kha, Athyaapaw chii te a sing vae; Pachia Ccaaw thehoynaw mue sah, Seinaw te aening oun khum vae, Laanpi ka vae lya vawsaw te, Riathae runaw kae te-ing lya, Ka seinaw kha yn singpya vae, Tuitin hawte yn thyaasah tua. Tuitin hawte phe oun thyaasah tua, Namaw chii te oun singtua lah; Tuitin hawte oun rawsah tua. Pachia Ccaaw hin lukhung khungsah, Vaelantah- naw ah puihsah hae, Ngaethya vawsawnaw kha a ing, Thuasalah huatawpaw thua khyh; Kae ka seinaw thyaasah khylan, Na chinaw kalan yn cciakhae, Tuitin laeze ka rawnaw lang, Na chiithyaapaw te yn singtua. Tuitin hawte phe oun thyaasah tua, Namaw chii te oun singtua lah; Tuitin hawte oun rawsah tua. Khum Bawi kae tuh laanpi ka vae, Ka seinaw eih alung keiccu, Ka thinlung seinaw te abeih, Tui nynh tuh thyaasah kho lan khyh; Jesu byakinnaw kha ka zyn, Chii na laenaw lang ka cceih cih, Tuitin hawte ka rawnaw lang, Na lesaenaw te thyaasah tua. Tuitin hawte phe oun thyaasah tua, Namaw chii te oun singtua lah; Tuitin hawte oun rawsah tua.