122. SIAPHARAN RHAWKAW

Siapharan rhawkaw aening, Lungtua hlawsahte cceih oh, Hosena cite Bawi phu-e sah oh sih; Seinaw laanpi cciataw lah, Palei mah sei lei lante, Lawnaw elang nae thaw a um balynte. ( Pachia rhawkaw nynh aening ) 2 Oun Khumpaw min te cceih oh; Lesaenaw te ah tae cih oh, Amaw rhawkaw kha aening. Rhawkaw kha lung salamah, Seinaw rhawdoupaw aening, Khumpaw Bawi sawtuanaw te rhawdou oh sih; Amaw bya kha be ngae oh, Rhawkaw zunghe ccynkuhpaw, Teitei balyn ah rhaw kha be ah tae cih oh. ( Pachia rhawkaw nynh aening ) 2 Oun Khumpaw min te cceih oh; Lesaenaw te ah tae cih oh, Amaw rhawkaw kha aening. Vaelantah rhawkaw hae lou, Laephi uccaw cciatawte, Lungthang ngaemyn nan oh rhaw kha lung zemah; Khuazinaw athang maw hin, Bawipaw nynh a tae kou vae, Vaawlang Khua tuh taenaw lukhung khungku lan ( Pachia rhawkaw nynh aening ) 2 Oun Khumpaw min te cceih oh; Lesaenaw te ah tae cih oh, Amaw rhawkaw kha aening.