115. JESU KONG YN HOPYA TUA

Bawipaw Jesu kong yn hopah, Ka lungkhu kya umsah tua, Asunghua phungpaw yn hopah, Pawpaw laeze a ehua; Vaaw ccungccaw hae hlawsah hae paw, A puinaw lungtuanaw hlaw, Vaawlang Pachia thehoysah oh, Lae vawlan daenaw um sah. Vuelaw ingte lae rounaw kya, Khuazi khuadae te-ingnaw, Kae sei keiccu tounaw a ing, Zemah thangnaw cia a tae; Ccyh saepi ryaru a lawnaw, Ngaethya ingnaw kong hotua, Saryate ccung buanaw a ing, Innlo hoi lei a khiakuh. Thinlung koi a te-ingnaw te, A khianaw hae kong hotua, Shaw lungkhu uunaw hae kong ho, Thoothuinaw kong kha hotua; A sungsahnaw a ehua nyn, Pawpaw lae a ccaethyahua, Kae ka hiinnaw yn pyapaw nynh, Zungzae mitphi a luasah.