293. Isua thisen hlu chauh lo chu

Isua thisen hlu chauh lo chu, Beiseina dang reng ka nei lo; Lal Isua hming chauh lo hi chu, Hming dang reng chu ka chhuang ngam lo. Krista, lungpui nghetah ka ding, Hmun dang zawng chu tiaudup a ni. A khawngaihna hmel ropui kha, A thatna danglam thei lo nen; Hmun sangah leh hlauhawm hnuaiah, Awm mah ila, min muan thin kha. Krista, lungpui nghetah ka ding, Hmun dang zawng chu tiaudup a ni. A tiam, thuthlung, thisen chakna, Thlemna hmuna min tanpui tur; Chatuan thlenga min hruaitu tur, Ka thupui ber - Lalpa ka ta. Krista, lungpui nghetah ka ding, Hmun dang zawng chu tiaudup a ni. Ropui taka i lo kalin, Aw Lalpa Isu, i hmaan; I felna ka thuamna ni se, Min hnar suh la, ka nghak a che. Krista, lungpui nghetah ka ding, Hmun dang zawng chu tiaudup a ni.