277. Ni tinin ka ngai che

Ni tinin ka ngai che, Ka Lal duh ber; I aw zaidam chauhvin, Min thlamuan thei. Ka ngai che, aw, ka ngai che, Ni tinin ka ngai che; I malsawmna hmu turin, Ka lo kal e. Ni tinin ka ngai che, Min awmpui lang; Ramhuaiin min thlemin, Min hneh lo vang. Ni tinin ka ngai che, Lawm lai pawhin; Nun reng a sawt lo vang, I tel lo chuan. Ni tinin ka ngai che, I duhzawng chu, Ka tih fo theih thin nan, Min zirtir la. Ni tinin ka ngai che, Mi thianghlim ber; I tan chauh min siam la, Lal duhawm ber. Ni tinin ka ngai che, Ka thih hunin, Nang chauhvin min hruai thei, Vanramah chuan.