257. Aw hmangaihna min thlah lotu

Aw hmangaihna, min thlah lotu, Nangmahah ka thla chau a chawl; Ka pe kir che ka nun bat chu, Tin, i thuknaah a luang ang; Ngahin a khat zual ang. Aw Eng, ram tina min entu, Ka meichher chuai hi ka pe che; Mawi takin a eng chhuak leh ta, Tin, i ni engah ka awm ang; A eng lehzual fo vang. Aw Lawmna, tuara mi zawngtu, Thinlung ka khar hnan lo vang che; Khaw dura chhimbal zam angin, Hrehawmah i thutiam ka hria; Tah loh tuk a ni ang. Aw Kraws, nang, kei mi chawisangtu, Ka tlansan ngam tawp lo vang che; Ka phum ang dam lai ropuina, Lei pangpar a to chhuak ang chu, Kumkhaw nun a ni ang.