239. Lalpa tawtawrawt a rik hunin

Lalpa tawtawrawt a rik hunin hunbi a awm tawh lo'ng, Kumkhuain chiang takin khua a var tawh ang; Lui ralah khian leia mi chhandamte an awm khawm hunin, Khita hming an lam hunin ka awm phawt ang. Khita hming an lam hun chuanin ka awm ang. Chumi niah chuanin Isua hmingin mitthi an tho vang, Ama thawhlehna ropuina an chang ang, Vana an awmnaah ama mi thlante an awm khawm ang, Khita hming an lam hunin ka awm phawt ang. Khita hming an lam hun chuanin ka awm ang. Zing ata ni tlak thlengin kan Lalpa tan i thawk ang u, A hmangaihna mak zawng zawng i hril ang u; Tin, kan ni kan tum tawi zawh hunin, kan thawh rim zawh hunin, Khita hming an lam hunin ka awm phawt ang. Khita hming an lam hun chuanin ka awm ang.