467. Lia Le Tang Mubang Kingai

Lia le tang mu bang kingai, thei bang kilo, Kum sawt tang bang dam khawm uh hen; Seino gualte'n pak bang tawi, nunnop i zo, Sian' lungdeih tuang tunna hi hen. Sihna'n samgi bang khen mateng, ma tengin, Sian tawh maciang suan uh hen; Itna le tongciamna'n khau bang hual khawm in, Gual lai-ah ni bang tang uh hen. Inn le lo suang zo dingin, Na siam inla, Khawhma, ehma daupai sak in; Zin le leeng do siam innkuan suak sak inla, Vandai ngo tawh Na tuam den in. Sihna'n samgi bang khen mateng, ma tengin, Sian tawh maciang suan uh hen; Itna le tongciamna'n khau bang hual khawm in, Gual lai-ah ni bang tang uh hen. Sesum minthang le sung nek, mim le tang tawh, Nunnop lii bang Na cingsak in; Zai tha saan uh hen, thunget lasakna tawh, Khristian innkuan pha suak dingin. Sihna'n samgi bang khen mateng, ma tengin, Sian tawh maciang suan uh hen; Itna le tongciamna'n khau bang hual khawm in, Gual lai-ah ni bang tang uh hen. Van Lau Kha Siangtho va bang hong leng inla, Nangmah'n zingvai Na hawmpih in; Simlei nun sungin, milun vontawi henla, Thangvan tuang tun dong Na huai in. Sihna'n samgi bang khen mateng, ma tengin, Sian tawh maciang suan uh hen; Itna le tongciamna'n khau bang hual khawm in, Gual lai-ah ni bang tang uh hen.