၁၄၂။ ယွၤဖိခွါလဲၤလၢညါဒုးတၢ်

ယွၤဖိခွါလဲၤလၢညါဒုးတၢ်, ဒ်သိးဘီမုၢ်ကန့ၢ်, အလၣ်ဂီၤဆုၣ်ပထံၣ်ယံၤမး, မတၤကပိာ်အခံ, ပှၤလၢအအီတၢ်ဖှီၣ်လီခီ, ဒီးနၢၤကွံာ်တၢ်သးဆါ, ပှၤလၢဒီးကဲအထူၣ်န့ၣ်ညီ, မ့ၢ်ပှၤကပိာ်ကစၢ်. မၢ်ထူရၤဆိတဂၤထံၣ်ဘၣ်, လၢသွၣ်ခိၣ်ဝၣ်ဘးခီ, ကစၢ်သးဘိလၢမူခိၣ်ထး, လၢတၢ်ဖှီၣ်ကိးထီၣ်အီၤ, ဒ်အကစၢ်ဘါထုကဖၣ်, လၢပှၤအၢဖိအဂီၢ်, အဝဲစ့ၢ်ကီၤဘါထုကဖ, ဒီးမံသပှၤဝဲလီၤ. ပှၤဃုထၢဖိစှၤဂၤနာ်က့, သးစီဆှံအိၣ်ဒီးအီၤ, တဆံခံဂၤသူၣ်ဘၣ်သးသ့, တပျံၤတၢ်ကိၢ်တၢ်ဂီၤ, မ့ၣ်အူကဖး, ခ့ယုၢ်ကပိၤ, လၢတၢ်သးဒုလူၤဃီၤ, လၢတၢ်သံပူၤပာ်လီၤအကိာ်, တပျံၤဘၣ်နီတခီ. ပိာ်ခွါသးပှၢ်, ပိာ်ခွါဖိသၣ်, မုၣ်ပှၢ်ဒီးမုၣ်ကနီၤ, လၢခရံာ်အဃိဟ့ၣ်လီၤအသး, ဒီးလဲၤအိၣ်ဒီးအီၤလီၤ, သိးဆ့ကပြုၢ်, ဟံးသီတူၢ်ထူ, တဘၣ်တၢ်ဆါလၢၤဘၣ်, အိ, စၢ်ယွၤဧၢ, ပသးမၤဆူၣ်, အဒိဒုးကွၢ်လိပှၤ.