KA SUNG KA PUA

Ka sung ka pua nong thei e, Na ngaihsutna kei di’n manpha lua, Nang ka hong phat hi Toupa. Ka guhte ka taangte a kisiam ma in, Ka pumpi kahiang khat zong a om ma’n; Siktui a ka luanma nangawn in no’ng thei a, Ka pumpi kibawlma in na mukhin. Ka tut leh ka din zong Nang’ na hon thei a, Ka samzangte nangawn zong na simsuak; Ka guhte ka taangte Na mai ah kiseel lou, Nang’ theihlouh bangmah omlou kei’ sung ah. Ka sung ka pua nong thei e, Gamlampi pan ka ngaihsutna na thei hi; Nang theih theihlouh kei sung ah bangmah om kei, Ka laimu nangawn na mai ah kiseel lou hi; Khazaak in tuipi tawp dong in va leng in, Leimong dong in leeng mah le’ng; Toupa nang nong mu a na hon leen hi, Lamdang tak in kei na hon bawl; Na ngaihsutna kei di’n manpha lua, Nang ka hong phat hi Toupa. Kei leh kei ka kitheih sang na hon thei zaw, Ka lei ah nang theihlouh thu a omlou; Khuamial in hong seel zong Nang di’n khuavak bang hi, Na mai ah kiseel thei vual ka hi kei. Ka sung ka pua nong thei e, Gamlampi pan ka ngaihsutna na thei hi; Nang theih theihlouh kei sung ah bangmah om kei, Ka laimu nangawn na mai ah kiseel lou hi; Khazaak in tuipi tawp dong in va leng in, Leimong dong in leeng mah le’ng; Toupa nang nong mu a na hon leen hi, Lamdang tak in kei na hon bawl; Na ngaihsutna kei di’n manpha lua, Nang ka hong phat hi Toupa. Ka tut leh ka din zong Nang na hon thei a, Simtham a ka gamtatna na thei hi; Ka nung leh ka mailam Nang’ theihlouh om ngeilou, Nang a pan koi ah paimang ding ka hiam? Ka sung ka pua...