HONG TONPIH IN

Topa aw, hi lai ah om ing Nang in nong mu gige hi Tangtel bang lel ka nuntakna Kei leltak nong teel sese Pilna siamna, hauhna liatna Hoihna, phatna ka nei lo Muanding suanding, ki sialh pih ding A dang, ka nei lo Mite bangin thugen lasak Kamhoih, kampau siamna nei keng Ka dang awk in, ka pau awk e Cinna khat zong nei keng Ka lungsim ngaihsutna khempeuh Nang teltak nong thei khin hi Kicing lote, nong kicing sak zel Ka siamlohna, nong siam to sak zel maw Azum, ahiam, lau-huaina pan in Kei hong kem in aw Ka kalsuan zia ding, lam hong hilh zel aw Na deihna bang in Lam hong lak in, Kha Siangtho aw Ka paina khempeuh, a tawntung in Hong tonpih den aw, lam hong pi den aw Topa aw ka nuntakna Kong ki pia hi a vekpi’n Ka kam, ka muk, ka aw, ka lei Na minthan na’ng hi ta hen Nangma mizat, galkap hangsan Phu ngam, si ngam, lungkia ngei lo Thumanna le cihtakna tawh Nungta kalsuan, mi hong hisak aw Naupangno khat lel ka hi Ka theihna a tawmlua e Ze-etna sung ka puk loh na’ng Kei hong cing, hong kem den aw Kha Siangtho aw, lam hong pi in Nang kong kisam pha pen hi Ka mailam kalsuanna ah (Azum, ahiam, lau-huaina pan in Kei hong kem in aw Ka kalsuan zia ding, lam hong hilh zel aw Na deihna bang in Lam hong lak in, Kha Siangtho aw Ka paina khempeuh, a tawntung in Hong tonpih den aw, lam hong pi den aw) X2 Ka paina khempeuh, a tawntung in Hong tonpih den aw, lam hong pi den aw