214. Rinna thla zar ila

Rinna thla zar ila, Kalvari mual lam va fang ila; Ka Lal thihna hmunah chuanin, Ka chenna tur Salem thar ka hmu ang a. Ka lei lungngaih, ka tah ka bang ang a, Lawmna par mawi vulna ka thlir chuan. Kalvari tlang chunga, Thisen hlu zam Chhandamtu nakah, Hnam tin sil fainaah chuanin, Aw ka thlarau, tah chuan cheng ang che. Ka lei lungngaih, ka tah ka bang ang a, Lawmna par mawi vulna ka thlir chuan. Jerusalem thar khi, A lanna tlang dang a awm lo ve, I thlir ang Kalvari tlangah, Tah chuan a lang, Chhandamtu nakah chuan. Ka lei lungngaih, ka tah ka bang ang a, Lawmna par mawi vulna ka thlir chuan. Aw ka thlarau, thlawk la, Va fang rawh i Chhandamtu thihna; Nangmah vanga a tuarna chu, A thisen zamah inbual ang che. Ka lei lungngaih, ka tah ka bang ang a, Lawmna par mawi vulna ka thlir chuan.