77. VAAW CCUNGCCAW NYNH HLAWSAH HAE

Tuurin hae nynh ziraccyng ze, Vaaw ccungccaw hae hlawsah the thae hae; Mih roivan tuh mih lung kou tua, Vaaw hae nynh hynh-e hlaw a sah hae. Alesaehua Bawipaw thuasah, Laephi ccawkunaw bya houh thaan sah; Azungzaete houhouh thaan sah, Laephi ccungccaw lungtua oh. Tuurin hae nynh lenaw muih hae, Ngaetua oh awnaw thehoypaw bya; Bakhung te kuih kha a kyng hae, A hoy huapaw hlaw the nynh athaan. Alesaehua Bawipaw thuasah, Laephi ccawkunaw bya houh thaan sah; Azungzaete houhouh thaan sah, Laephi ccungccaw lungtua oh. Oun Khumtu Pachia popaw kha, Ah laebah sangpya khylan yn rung; Riathae vawsaw ngaethyanaw te, Aening seinaw kha oun shawpya vae. Alesaehua Bawipaw thuasah, Laephi ccawkunaw bya houh thaan sah; Azungzaete houhouh thaan sah, Laephi ccungccaw lungtua oh.