75. KHUARUARU SUNGSAHNAW

Khuaruaru thawccinaw kou sung, Kae ccungkia lei yn khum; Ka zonaw kyate bua yn muih, Ka mit bua a awsah. Ngaethya thaw yn ccinaw liate, Rinaw miakaw azo; Zynnaw ka hoi koute ka ny, Thawccinaw asung zia. Thinphang rinaw ka tung lya mah, Namaw kalan ka cceih; Ka ngae angan thaw yn ccinaw, Ka inn lang yn cciakhae. Lungtua daenaw khua ka thua tuh, Khuanin haw ka paw cih; Pachia thehoysah te ka um, Bangnaw nin um vae khyh.