207. Tlang mawi tak chu a awm ram hla takah chuanin

Tlang mawi tak chu a awm, ram hla takah chuanin, Tuipui piah ram nuam takah chuanin; A hming luruh hmunah, Lalpa chu a thi ta, Kei leh nang leh khawvel tan a ni. A tuarzia ka hriatin, ka mittui a tla thin, Chu tlang chu ka thlir eng lai pawhin; Chu tlangah chuan Isuan a tuarin a thi ta, Kei anga sual chhandamna turin. Lungngaia a kalin, kraws rit tak an puttir, Hling lukhum an phiar chu khum chungin; Kraws chungah an khengbet a, mipuiten an nuihsan, Chu tlang mawi takah chuan an khai kang. A tuarzia ka hriatin, ka mittui a tla thin, Chu tlang chu ka thlir eng lai pawhin; Chu tlangah chuan Isuan a tuarin a thi ta, Kei anga sual chhandamna turin. A lungngaihzia ka h ria, amah an phuar laiin, Ka Chhandamtu thingah an khengbet, A kraws chu tungdingin, mipuite mit hmuhin, Kalvari tlangah chuan an khai kang. A tuarzia ka hriatin, ka mittui a tla thin, Chu tlang chu ka thlir eng lai pawhin; Chu tlangah chuan Isuan a tuarin a thi ta, Kei anga sual chhandamna turin. Thimin a hmel a hliah, lungpui zawng zawng an khi, Lungngaihna aw thang vel an hriatin; Ka Lalpa aw a ni, thihna rapthlak tuarin, Kan zaa sual chhandamna turin. A tuarzia ka hriatin, ka mittui a tla thin, Chu tlang chu ka thlir eng lai pawhin; Chu tlangah chuan Isuan a tuarin a thi ta, Kei anga sual chhandamna turin.