203. A saw raltiang tlangah

A saw raltiang tlangah, kraws hlun tak chu a ding, Tuarna leh mualpho tarlanna chu, Kei ka tan chu kraws chu ngaihhlutawm ber a ni, Mi sual tan mi tha ber a thi si. Chu kraws chu pawmin ka vuan zel ang, Thlafam dairial ka chan hma loh chuan, Thlah lovin ka vuan tlat zel ang a, Lallukhum hlu chu ka la chang ang. Aw, chu kraws, khawvel mi hmusit leh endawng chu, Kei ka lunglai kuaitu a ni a; Chung Pathian Beramno, van ropui kalsanin, Kalvari tlang a put thlen vangin. Chu kraws chu pawmin ka vuan zel ang, Thlafam dairial ka chan hma loh chuan, Thlah lovin ka vuan tlat zel ang a, Lallukhum hlu chu ka la chang ang. Chung Pathian hrai duhleng thisen luan kraws-ah chuan, Van hnuai thang thil mawi ka lo hmu a; Kei mi sual ngaihdam leh min tithianghlim turin, Ka Lalpa Isua tuarin a thi. Chu kraws chu pawmin ka vuan zel ang, Thlafam dairial ka chan hma loh chuan, Thlah lovin ka vuan tlat zel ang a, Lallukhum hlu chu ka la chang ang. Rinawm leh nghet takin chu kraws chu vaun ila, Hrehawmna leh mualpho dawn lovin; Nakinah, van inah min la hruai khawm ang a, Chatuanin ropuina kan chang ang. Chu kraws chu pawmin ka vuan zel ang, Thlafam dairial ka chan hma loh chuan, Thlah lovin ka vuan tlat zel ang a, Lallukhum hlu chu ka la chang ang.