62. KA MUISAW A THURUH

Jesu ka Bawipaw tuh kae yn Khumtupaw, Khumtu ngaeang huapaw nynh thua; Lungpi lungkhu ka muisaw kha thuruh zah, Lungtuanaw tuidy kha ka muih. Lungpi lungkhu ka muisaw kha a reku, Mynzia pyatu lungpi lungkhu; Amaw sungsahnaw kya kha ka hiinnaw tuh, He nung zah phe yn thungkhaw vae, A kuih te phe yn thungkhaw vae. Jesu ka Bawipaw tuh kae yn Khumtupaw, Ka phuripaw kha yn lawpya; Amaw nynh yn do zah ka khuliakuh khyh, Nin takyhte thawzung yn pya. Lungpi lungkhu ka muisaw kha a reku, Mynzia pyatu lungpi lungkhu; Amaw sungsahnaw kya kha ka hiinnaw tuh, He nung zah phe yn thungkhaw vae, A kuih te phe yn thungkhaw vae. Hythua riatae lei lante zungzae yn pya, Uccaw mangtae lei lan ciate; Ka lungtua zah Pachia tuh ka thehoysah, Tuhawte kae yn shawtu Bawi. Lungpi lungkhu ka muisaw kha a reku, Mynzia pyatu lungpi lungkhu; Amaw sungsahnaw kya kha ka hiinnaw tuh, He nung zah phe yn thungkhaw vae, A kuih te phe yn thungkhaw vae. Boei rawpaw zingkute amaw tungku lan, Kamaw tuh ka la cceih cih zah; Ccungccaw patae te amaw sungsahnaw tuh, Kae mah thawte ka sahbua cih. Lungpi lungkhu ka muisaw kha a reku, Mynzia pyatu lungpi lungkhu; Amaw sungsahnaw kya kha ka hiinnaw tuh, He nung zah phe yn thungkhaw vae, A kuih te phe yn thungkhaw vae.