38. PACHIA KUIH NYNH PANG VAWLAN

Besazar siapharan nynh bawi thong kheit poituapya hae, Baebu ccaw bya zyn kho nawlan a um hawte siapharan; Inn lungkhu khuazi sui banang te samaw nia lya hae, Mih ri mih kaw thua lan Pachia nynh pang vaw ccaw a zei. ( Pachia kuih tuh pang vawlan khe ) 2 Pang vaw kyakhe kuih nynh ccaw pya lya, Mih ri mih kaw athua, Tuh-e pang vaw ccaw zeikupaw tuh. Dotua oh rhaw hoypaw Daniel nynh siapharan malang, Thadyn zah a lysakuhpaw siapharan seinaw phypya; Daniel nynh Pachia bya kha hoyte phya a leihpya vae, Na peenaw kha phe thang vae a cipya pang vaw kyate. ( Pachia kuih tuh pang vawlan khe ) 2 Pang vaw kyakhe kuih nynh ccaw pya lya, Mih ri mih kaw athua, Tuh-e pang vaw ccaw zeikupaw tuh. Dotua oh zynnaw tynpaw lawnaw cci a rae rypaw, Thyaa Muisaw nynh Daniel kha zynnaw te rawhoynaw pya zah; Judea ram a bawi piccan hae balyn malang kyakhe, Pachia kuih nynh pang vawlan zei hawte hopya hae. ( Pachia kuih tuh pang vawlan khe ) 2 Pang vaw kyakhe kuih nynh ccaw pya lya, Mih ri mih kaw athua, Tuh-e pang vaw ccaw zeikupaw tuh.