19. AMAW TUH A LEHUA

Na thinlung tuh Bawipaw beikinn nynh athua, Amaw tuh ah kya um cih; Amaw min te sawsang lan ah ccia oh ze tuh, Lungtuanaw ah mue cih oh. Pawpaw laeze a hoyhua, zyntua oh sih, Amaw ryte bua ah tungkuh thui oh te, Hythuanaw kha oun pya cih, Amaw kalan ccia oh ze, Bawipaw min te sawsang oh. A phu-enaw tuh awnaw kyate yn langkuh, A kalan khe oun naekuh; Le huapaw sungsakunaw kha ah muih cih oh, Houhouh naeku tua oh sih. Pawpaw laeze a hoyhua, zyntua oh sih, Amaw ryte bua ah tungkuh thui oh te, Hythuanaw kha oun pya cih, Amaw kalan ccia oh ze, Bawipaw min te sawsang oh. Oun cciakhaenaw lang hythuanaw kha oun pya cih, Lungtuanaw ah mue cih oh; Amaw ka zyn zah a kuihne te yn cciakhae, Ka pepan tyty a um. Pawpaw laeze a hoyhua, zyntua oh sih, Amaw ryte bua ah tungkuh thui oh te, Hythuanaw kha oun pya cih, Amaw kalan ccia oh ze, Bawipaw min te sawsang oh. Ahmepaw a thawccinaw kya lethung oh sih, Accingpaw daenaw kya um; Vaaw Siapharan kya ah thua oh tuh, Lungtuanaw kuihbia te thehoysah lan. Pawpaw laeze a hoyhua, zyntua oh sih, Amaw ryte bua ah tungkuh thui oh te, Hythuanaw kha oun pya cih, Amaw kalan ccia oh ze, Bawipaw min te sawsang oh.