12. KA MUISAW NGAETUA

Ka muisaw ngaetua vaaw hae hlawsahpaw kha, Laephi lungtua rilipi cia a thaan; Hlawsah hae paw thehoy kha ah thae oh tuh, Lungpaleihku te seishawnaw bya a ho. Byakin accing, vaaw ccungccaw hae balyn nynh, Ngae khin um lei lante hlaw a sah hae; Zete rawnaw awkhua lungtuanaw hoy - hua, Khuazinaw kha sungsah nynh a awsah. Hlaw the na thae oh tuh malang khe cceih oh, Vawsawpaw te ryachi rang oh a ci; Khuazi lungkhu Bawi Jesu nynh ae ko oh, Vaawlang laanpi muihsahtupaw nynh thua. Byakin accing, vaaw ccungccaw hae balyn nynh, Ngae khin um lei lante hlaw a sah hae; Zete rawnaw awkhua lungtuanaw hoy - hua, Khuazinaw kha sungsah nynh a awsah. Laansaw lan khuin zete dakhin the hawte, Laephi vawlan Bawi Jesu the a thaan; Athong nynh kaw khyh, phupaw ripaw b’lyn nynh, Tuurin Bawipaw na kalan khe kae cceih. Byakin accing, vaaw ccungccaw hae balyn nynh, Ngae khin um lei lante hlaw a sah hae; Zete rawnaw awkhua lungtuanaw hoy - hua, Khuazinaw kha sungsah nynh a awsah. Ngaethyanaw ccyh kha atu sae salamah, Khuazi cciataw lungtua khua yn dae cih; Riathae hae paw ccianaw laanpi yn thang te, Muisaw ngaengannaw sui khua ah thua cih oh. Byakin accing, vaaw ccungccaw hae balyn nynh, Ngae khin um lei lante hlaw a sah hae; Zete rawnaw awkhua lungtuanaw hoy - hua, Khuazinaw kha sungsah nynh a awsah.