136. Aw hmangaihna sawi thiam ila

Aw, hmangaihna sawi thiam ila, Nazaret Isua ngei kha; Chuti takin min hmangaih a, Mi sual thiam loh chang tawh hnu. 'Aw, hmangaihna a va mak em!' Tih chu ka hla ni sela; Aw, hmangaihna a va mak em! Ka chhandamtu'n min hmangaih. Ka tan huanah a tawngtai a, Nangma tan pawh a tawngtai, A tana lungngai a ni lo, Ka tan a thisen a far. 'Aw, hmangaihna a va mak em!' Tih chu ka hla ni sela; Aw, hmangaihna a va mak em! Ka chhandamtu'n min hmangaih. Angel-ten amah khawngaihin, Khawvel enin an lo kal; A lungngaihna thlamuan turin, Ka sual tlanna zanah chuan. Ka sual lungngaihthlak a kalpui, Ama tana inbelin; A phur Kalvari-a nghatin, A tuarin a tlan zo ta. 'Aw, hmangaihna a va mak em!' Tih chu ka hla ni sela; Aw, hmangaihna a va mak em! Ka chhandamtu'n min hmangaih. A ropuinaa inthuamin, A hmel mawi ka hmuh hunin, Ka tan a hmangaihna mak chu, Ka chatuan hla a ni ang. 'Aw, hmangaihna a va mak em!' Tih chu ka hla ni sela; Aw, hmangaihna a va mak em! Ka chhandamtu'n min hmangaih.