127. Ngai teh van Lal Fa chu Bethlehem bawng in tlawmah

Ngai teh, van Lal Fa chu, Bethlehem bawng in tlawmah, Hringmi hraichawiin a lo piang a; A Lal ropuina van thutthleng chu rawn pelin, Min tlan turin bawng in tlawmah a lo piang a. Kan lawm a che, lei leh van Lal ropui, Theihtawpin i fak hla kan sa ang; Riangvaite leh retheite Lalpa, Hmanah Bethlehem-ah i tan hmun a awm lo, Tunah erawh i tan hmun a awm kan zingah. A pianna hmun rethei - Bethlehem bawng in lo chu, A tan hmun dang a awm ve si lo; A lu a nghat a, Bethlehem bawng in tlawmah, Lei lalte leh ama mite'n an duh si lo. Kan lawm a che, lei leh van Lal ropui, Theihtawpin i fak hla kan sa ang; Riangvaite leh retheite Lalpa, Hmanah Bethlehem-ah i tan hmun a awm lo, Tunah erawh i tan hmun a awm kan zingah. Lal chungnung, hmun chungnung bera cheng hnu Lal Isua, Lei lalte'n amah do mah sela; Kei ka tan erawh Lal duhawm ber a ni si, Riangvai kan lawmna tur renga Lal lo piang hi. Hmanah Eden huana nunna kraun hlu kan hloh kha, Tunah Lalpan min chharsak leh ta; A tawngkam chhuak hmangaihna, riangvai min hnemtu, Varparh arsi aia eng mawi Lal duhawm hi. Kan lawm a che, lei leh van Lal ropui, Theihtawpin i fak hla kan sa ang; Riangvaite leh retheite Lalpa, Hmanah Bethlehem-ah i tan hmun a awm lo, Tunah erawh i tan hmun a awm kan zingah. Hmanah chuan Bethlehem-ah i tan hmun a awm lo, Nang mi thianghlim van Lal pianna tur; Tunah erawh hetah i tan hmun a awm e, Isu, kan hnenah lo cheng la, min awmpui rawh. Kan lawm a che, lei leh van Lal ropui, Theihtawpin i fak hla kan sa ang;...