118. Zan tlai khaw thiang karah

Zan tlai khaw thiang karah, Muang te'n zan mu an chhing; Beramputen thawm an hriat chu, Bethlehem tlang chungah. Chungnung berah ropui rawh se, Lei chungah remthu leng rawh se, an ti; Chungnung berah ropui rawh se, Remna leng se, tiin an zai. Hmangaih tuipui a fawn, A kuang a fawn liam e; A liam in piallei a bualin, Van miten zai an rem. Chungnung berah ropui rawh se, Lei chungah remthu leng rawh se, an ti; Chungnung berah ropui rawh se, Remna leng se, tiin an zai. An lenthlain min zem, Thinlai a zing riai e; Chatuan Rem Lal ropui fakin, Van miten zai an rem. Chungnung berah ropui rawh se, Lei chungah remthu leng rawh se, an ti; Chungnung berah ropui rawh se, Remna leng se, tiin an zai. Nangni van mite u, Piallei thim zingah hian; Leiah rem leng rawh se, tiin, In zai leh dawn lo'm ni? Chungnung berah ropui rawh se, Lei chungah remthu leng rawh se, an ti; Chungnung berah ropui rawh se, Remna leng se, tiin an zai.