28. Min vengtu chu Lalpa a ni

Min vengtu chu Lalpa a ni, Tlachhamin ka awm lo vang; A thatna dang chuang ngai lo kha, Chatuan ka ta a lo ni. Chawlhna tui kamah min hruaiin, Ka nunna min siam that thin; Hnim tui tinreng min kawhhmuhin, Ka thlarau pawh a chawm thin. Thihna hlim kawr kal mah ila, Engmah ka hlau tawp lo vang; Nang ka kiangah i awm vangin, Muang takinn ka awm fo thin. Min dotu laka min humin, Ei tur min lo buatsaih thin; Aw, lawmna famkim pek min tiam, Malsawm tinrengin ka liam. I thatna leh ngilneihnain, Dam chhungin min zui zel ang; Berampui tha, ka fak ang che, Nangma biakbuk chhung ngeiah.