Bawipaw Kya EE

Laephi hythua ah mue paw hyn, Bawipaw pya paw maw cci nyn thua ah po khae ku lang paw thua khyh, Bawipaw tuh thehoy sah oh sih lah, ae ning tuh ah sisua ccy tu nyn ah thua, pya tu Bawipaw kya Lung tua bya ho te, amaw thehoy sah rou ae ning ci kho paw. Muih saw te Pynsaw hang lang hingnaw, ah dangnaw sibawi hoi nyn thua, ngaethya ccyh kya ngaethya khae tu te lung tua ccyh kya lung oun tua khae tu Bawipaw, Lae te vaw uhccaw balyn ah maw kuih kya, pya tu Bawipaw kya lung tua bya ho oh sih. Suite ngun te inn hoy lo hoy, saring inn makaw bia ccyh ma, ah po khae ku la paw thua khyh, lo-ee thae paw patae voi hae za ccanung ccapaw hythua ah ccou oh paw mah, aening po khae ku lang paw ah hoi khyh, Bawipaw oun pya paw ah hythua naw maw cci Muih saw te Pynsaw hang lang hingnaw, ah dangnaw sibawi hoi nyn thua, ngaethya ccyh kya ngaethya khae tu te lung tua ccyh kya lung oun tua khae tu Bawipaw, Lae te vaw uhccaw balyn ah maw kuih kya, pya tu Bawipaw kya lung tua bya ho oh sih. Ah mue paw hythua ccou zla te, ah ccou paw mangthya naw hingzia, Bawipaw kya hing ccang kuh oh sih, Oun pya tu paw mah ah maw nynh thua, ah lah thui tu mah ah maw nyn ah thua, muihsaw pynsaw phe bynlang oun kua tu, Bawipaw kya lunngtua bya rou ho pa oh sih. Muih saw te Pynsaw hang lang hingnaw, ah dangnaw sibawi hoi nyn thua, ngaethya ccyh kya ngaethya khae tu te lung tua ccyh kya lung oun tua khae tu Bawipaw, Lae te vaw uhccaw balyn ah maw kuih kya, pya tu Bawipaw kya lung tua bya ho oh sih.